شام، یمن تنازعات پر جان کیری کی شاہ سلمان سے ملاقات

سعودی،12مارچ(ایجنسی) واشنگٹن اور اس کے عرب اتحادیوں کی جانب سے شام میں امن مذاکرات کے ایک نئے دور کے آغاز کے لئے امریکی وزیر خارجہ جان کیری نے سعودی فرمانروا شاہ سلمان اور ان کے سینئیر وزراء سے ملاقات کی ہے۔
اقوام متحدہ کو امید ہے کہ شامی صدر بشار الاسد



اور باغی رہنمائوں کے درمیان پیر کے روز جنیوا میں بالواسطہ مذاکرات کی میزبانی بخوبی ہو جائے گی جس کے نتیجے میں شام میں جاری عارضی جنگ بندی کو مضبوط بنانے میں مدد ملے گی۔
امریکا اور سعودی عرب پچھلے پانچ سال سے جاری خانہ جنگی میں حزب اختلاف کی فورسز کے سب سے بڑے حامی ہیں اور وہ ان فورسز کو مذاکرات کی میز پر لاسکتے ہیں۔